Whatsapp "Saved Messages" funksiyası üzərində işləyir

Dünyada milyonlarla istifadəçiyə ev sahibliyi edən Whatsapp istifadəçi rahatlığı üçün yeni funksiyalar üzərində işləməyə davam edir. Xatırlayırsınızsa, 2023-cü ildə platformaya əlavə olunacaq yeni funksiyalarla bağlı xəbərlərimizdə bu yeniliklərdən bəzilərini qeyd etmişdik. İndi məlum olur ki, platforma “Saved Messages” adlı yeni funksiya üzərində işləyir. Bildiyiniz kimi Whatsapp bu yaxınlarda istifadəçilərin söhbətdə istifadə edə biləcəyi, təyin olunmuş vaxtın sonunda avtomatik olaraq yoxa çıxan mesajlar funksiyasını təqdim edib. Saxlanan mesajlar isə bu funksiya üzərində daha çox nəzarət təklif edəcək. Beləliklə, istifadəçilər seçilmiş mesajı çatda sabitləyəcək və istənilən vaxt onu silmək imkanı əldə edəcəklər. Bundan əlavə, yeni funksiya sayəsində yoxa çıxan mesajın müddəti bitmiş olsa belə görmək mümkün olacaq.

Paylaşılan skrinşota görə deyə bilərik ki, mesajın yanındakı işarə “Instagram”ın Saved ikonuna bənzəyir. Yeni funksiya hazırlanır və onun nə vaxt, necə istifadə ediləcəyi barədə məlumat hələlik məlum deyil.