Xatırlasaq, 2021-ci ildə WhatsApp eyni istifadəçi hesabından bir neçə cihazda istifadə etməyə imkan verən funksiyanı elan etmişdi. İndi platformanın bu bəyənilən xüsusiyyəti yeni imkanlar təqdim edir. Bu gün bir WhatsApp hesabının beş fərqli telefonda istifadə edilə biləcəyi açıqlandı.

WhatsApp Web, planşet və masaüstü kompüterlərdə olduğu kimi telefonlarda da beşə qədər cihaza qoşula bilməsi təklif olunur. Bundan əlavə, hər bir qoşulmuş telefon mesajlar, media və zənglər üçün uçdan-uca şifrələmə təklif edəcək. WhatsApp bildirir ki, əsas telefon "uzun müddət qeyri-aktiv olarsa" digər telefonlardan avtomatik çıxış olacaq.

Qeyd edək ki, yeni funksionallıq “WhatsApp”ın gözlənilən xüsusiyyətləri arasında idi. İstifadəçilər artıq “WhatsApp”dan çıxmadan bir neçə telefon arasında keçid edə biləcəklər. Həmçinin bir Whatsapp hesabı ilə birdən çox telefondan istifadə edə biləcək. Yeni funksiya indidən tədricən yayımlanmağa başlayıb. Yaxın həftələrdə geniş ictimaiyyətə təqdim olunacaq.

Bundan əlavə, məşhur platforma çoxlu cihazlar üçün yeni təsdiqləmə metodu da hazırlayır. Hazırda yalnız WhatsApp Web versiyasında görünən bu funksiya QR kodu əvəzinə birdəfəlik kod vasitəsilə cihaza qoşulmağa imkan verəcək.