"WhatsApp"a da çatbot əlavə olunur- Mark Zukerberq açıqladı

Mark Zukerberq Metanın süni intellekt mövzusunda geridə qalmayacağını açıqlayıb. CEO bildirib ki, onun şirkəti öz xidmətlərinə süni intellekt tətbiq etməyə, istifadəçilər üçün maraqlı təcrübələr təqdim etməyə yönələcək yeni yüksək səviyyəli sistem yaradır.

Meta xidmətlərinə öz süni intellektini əlavə edəcək

Zukerberq verdiyi açıqlamada, yeni qrupun yaradılması ilə şirkət daxilində süni intellekt üzərində işləyən komandaların bir araya gətiriləcəyini bildirib. Bu yolla işin sürətləndirilməsi hədəflənir. İlk addım yaradıcı və təsir edici alətlər yaratmaq olacaq. Uzunmüddətli məqsəd isə insanlara müxtəlif yollarla kömək edə biləcək AI şəxsiyyətləri yaratmaqdır. Meta çox güman ki, WhatsApp və “Messenger”də mətn əsaslı süni intellekt əlavəsi üçün ChatGPT tipli çatbotlardan istifadə edəcək. Bunlar istifadəçilərin maraqlı vaxt keçirməyi üçün olsa da, Meta nəticədə bu funksiyaları satış və müştəri dəstəyi kimi sahələrə gətirə bilər. İstifadəçi tərəfdən baxdığımız zaman “WhatsApp”a əlavə olunacaq süni intellekt sizin üçün mesajlara cavab verə bilər. Meta həmçinin "Instagram"da süni intellekt filtrləri və reklam formatları ilə yanaşı "video və multimodal təcrübələri" sınaqdan keçirir.