WhatsApp yaxın zamanda iOS üçün yeni fərdiləşdirmə funksiyası təqdim edəcək. İstifadəçilər müxtəlif söhbət rəngləri və divar kağızı seçimləri arasından öz zövqlərinə uyğun seçim edə biləcəklər.
WABetaInfo-nun məlumatına görə, bu yeni söhbət mövzusu funksiyası WhatsApp iOS 24.20.71 yeniləməsi ilə birlikdə təqdim olunacaq. İstifadəçilər söhbət balonlarının rəngini, yazı sahəsini və başlıq sahəsini söhbət divar kağızı ilə birlikdə dəyişdirə biləcəklər.
WhatsApp, iPhone istifadəçilərinə 20 pastel rəng seçimi və unikal dizaynlarla bəzədilmiş 22 divar kağızı təqdim edəcək.
İstifadəçilər bütün söhbətlər üçün standart bir mövzu seçə biləcəkləri kimi, fərdi, iş və ya qrup söhbətlərini daha asan ayırd etmək üçün fərqli mövzular da tətbiq edə biləcəklər. Mövzu seçildikdə, WhatsApp avtomatik olaraq seçilən rəngə uyğun divar kağızını tətbiq edəcək. Qeyd edək ki, tətbiq edilən mövzu yalnız istifadəçinin ekranında görünəcək, qarşı tərəfin ekranı dəyişməyəcək.
WhatsApp, bu yeni söhbət mövzularını beta proqramında olan istifadəçilərlə test edir.
