Cybernews araşdırma şirkəti məşhur haker forumunun WhatsApp istifadəçilərinə məxsus 500 milyona yaxın real telefon nömrəsinin məlumat bazasını satdığını açıqlayıb. "Cybernews"in apardığı bu araşdırma faktı təsdiqləyib. Yayılan məlumatlara görə sızıntının qurbanları arasında 84 ölkədən istifadəçi var. “WhatsApp”ın 2 milyarddan çox istifadəçisi olduğunu nəzərə alsaq, sızma bu istifadəçilərin təxminən dörddə birini təşkil edir. Maraqlısı budur ki, onların 20 milyonu türk istifadəçilərdir. 

Hələlik “Whatsapp”dan rəsmi açıqlama yoxdur

“Cybernews”un tələbi ilə satıcı 1097 Böyük Britaniya və 817 ABŞ istifadəçi nömrəsindən ibarət sınaq nümunəsini təqdim edib və onların hamısının “WhastApp”da qeydiyyatdan keçdiyi təsdiqlənib.

Bununla belə, satıcı məlumat bazasının necə yaradıldığını dəqiq açıqlamayıb. Sadəcə məlumat toplamaq üçün hakerlərin “öz strategiyası” olduğunu deməklə  kifayətlənib. WhatsApp bu mühüm məlumat sızması ilə bağlı hələlik açıqlama verməyib.