WhatsApp öz platformasına “Telegram”da mövcud olan funksiyaları əlavə etməyə davam edir. “WhatsApp”ın son yeniləməsi ilə anket funksiyası bütün istifadəçilər üçün aktiv olub. Təxminən bir il sınaqdan keçirilən xüsusiyyət nəhayət ki, tətbiq edildi. WhatsApp Anket funksiyasından istifadə olduqca sadədir. Yeni anket yaratmaq istəyirsinizsə, söhbət ekranında + düyməsini klikləmək kifayətdir, "Anket" seçimini seçin, sualı və cavab variantlarını doldurun. “WhatsApp Web”də anketlər yaradılmır, lakin səslər verilə bilər.

Anketə minimum 2, maksimum 12 variant əlavə edilir. Bütün istifadəçilər kimin hansı variant və nə vaxt səs verdiyini görə bilər. Qrup söhbətlərinə əlavə olaraq təkbətək söhbətlərdə də anket funksiyasından istifadə edə bilərsiniz.