Ürək döyüntüsünü ölçən qulaqlıq: cəmi 250 manat!

Yeni AirPods Pro 2-nin ürək döyüntüsünü ölçmə xüsusiyyəti ilə gəlməsi gözlənilirdi, lakin biz bu əlavəni görmədik. Bu xüsusiyyət Anker-in yeni qulaqdaxili qulaqlıqlarında mövcuddur. Dizayn baxımından AirPod-ları xatırladan Anker Soundcore Liberty 4  idman edərkən ürək döyüntülərinizi izləyə bilən xüsusi sensora malikdir. Ürək döyüntüsünün məlumatları Wellness proqramına qoşulur, o, həmçinin idarə olunan, sərbəst və fərdi məşq qaydaları üçün monitorinq seçimlərini də təklif edir. Soundcore Liberty 4 həmçinin məkan audio dəstəyi, aktiv səs-küyün ləğvi, fərdiləşdirilə bilən ekvalayzer və AAC, LDAC, SBC kodekləri üçün dəstək təmin edir, lakin aptX dəstəyi yoxdur.

1 saata tam doldurur

Batareyanın ömrünə gəlincə, onu bir dəfə doldurmaqla 9 saata qədər istifadə edə bilərsiniz. Ancaq səs-küyün ləğvi funksiyasını yandırsanız, bu müddət 7 saata qədər azalır. LDAC (yüksək təyinatlı audio ötürülməsi üçün audio kodlaşdırma texnologiyası) rejimində 6 saat və məkan səsi aktiv olduqda 5 saat davam edir. USB-C portlu simsiz doldurma qutusu 28 saata qədər batareya ömrü təqdim edir. 15 dəqiqəlik sürətli yükləmə ilə qulaqcıqlara 3 saat istifadə müddəti təmin edir, qulaqlıqlar isə 1 saata tam doldurulur.

Anker Soundcore Liberty 4 xüsusiyyətləri

- ACAA 3.0 koaksial akustik sistemi ilə kəskin, aydın səs

- Musiqi və film rejimləri ilə 360 immersiv məkan səsi

- Soundcore tətbiqi ilə yeni ürək dərəcəsi sensoru

- HearID fərdiləşdirilmiş aktiv səs-küyün ləğvi

- Bütün gün dinləmək üçün 9/28 saat dinləmə vaxtı

Anker-in ürək döyüntüsünü ölçən qulaqdaxili qulaqlıqları qara və ağ rəng seçimlərində təqdim olunur. Qulaqcığın qiyməti 255 manatdır (150 dollar). Qara rəngi sevənlər üçün 10 oktyabrdan Amazonda satışdadır. Ağ rəngə üstünlük verənlər üçün isə 17 oktyabrdan satışda olacaq.