İlon Maskın “Twitter”də etdiyi absurd dəyişikliklər, bir çox funksiyanı ödənişli etməsi xeyli müddətdir dünyanın gündəmindədir və insanlar artıq bundan yorulub. Meta da bu fürsətdən istifadə etdi və “Twitter”ə rəqib yeni sosial şəbəkə hazırladı: Threads 

Bu gün çıxan sosial şəbəkəyə insanlar axın etməyə başlayıb. “Meta”nın CEO-su Mark Zukerberqin paylaşımına görə, platforma “App Store”da yükləməyə açıldığı iki saat müddətində iki milyon rekordu keçib və hələki heç bir yavaşlama əlaməti göstərmir. Bu, Threads üçün möhtəşəm başlanğıcdır!

Dünən yeni sosial şəbəkə “iOS”da göründü və bunu eşidən istifadəçilər dərhal qeydiyyatdan keçməyə başladılar. Rəsmi buraxılışdan əvvəl Threads-i yükləyən istifadəçilər Threads aktiv olduqda bildirişi aldı.

Maskın “Twitter”ə gətirdiyi yeni məhdudiyyətlərdən yorulan, Mastodon və Bluesky-ə alternativ axtaran istifadəçilər tez bir zamanda Instagram hesabları ilə platformaya qoşuldular. Platformada istifadəçilərin sayı inanılmaz sürətlə artır.