“Twitter”in həmtəsisçisi və keçmiş icraçı direktoru Cek Dorsinin Bluesky sosial şəbəkə platforması istifadəyə verilib. Rəsmi olaraq iOS App Store-da yayımlanan proqram hazırda yalnız dəvətli üzvlər tərəfindən qəbul edilir. İlon Maskın gəlişi ilə “Twitter”i tərk edən Cek Dorsi 2022-ci ilin may ayından şəxsi sosial şəbəkəsi üzərində işləyir. “Twitter”ə bənzərliyi ilə diqqət çəkən Bluesky ilk olaraq iPhone istifadəçilərinə açıldı, hər kəs yükləyə bilər, amma hər kəs üzv ola bilməz. Yeni sosial şəbəkəyə qoşulmaq üçün istifadəçilər artıq üzv olan şəxsdən dəvət almalıdırlar.

"Bluesky"nin rəsmi saytında sosial şəbəkə haqqında çox təfərrüat verilmir. İstifadəçilərin yalnız dəvət kodu əldə etmək üçün gözləmə siyahılarına qoşulmağına icazə verilir. “Twitter”in sadələşdirilmiş versiyası olan Bluesky arxa planda olan AT protokoluna əsaslanır. AT müəyyən mənada “Twitter”ə çox bənzəyən başqa sosial şəbəkə “Mastodon”u gücləndirən protokol “ActivityPub”a bənzəyir.

İlon Maskın “Twitter”də verdiyi özbaşına qərarlardan sonra alternativləri ortaya çıxmağa başladı. Tweetbot tərtibatçılarının “Mastodon”u, indi də keçmiş Twitter müdiri Dorsinin “Bluesky”si...