"Twitter"də blok olunmuş hesablar üçün ümumi amnistiya

“Twitter”i aldıqdan sonra bir çox mövzuda xaos yaradan İlon Mask bloklanmış hesabları geri qaytarmaq üçün qəti addımlar atır. Keçmiş prezident Donald Trampın hesabını yenidən aktivləşdirən məşhur ümumi amnistiyaya can atır. İlon Mask blokların aradan qaldırılması üçün komissiyanın yaradılacağını bildirib. Hazırda isə səsvermə keçirib. Əvvəlcə Donald Tramp səsvermə ilə yenidən “Twitter”ə qoşuldu. İndi isə başqalarının vaxtıdır.

İlon Mask spam etməyən və ya qanunu pozmadığı sübut olunan hesabları yenidən açmaq istəyir. 2,5 milyondan çox şəxs həmin hesabların yenidən açılmasına səs verib. Trampın səsverməsinə 15 milyondan çox səs verilmişdi. Səsvermədən sonra hesabların açılıb-açılmayacağı bilinmir. İlon Mask bot hesablarını tənqid etsə də, onların iştirak etdiyi səsvermələri görməzdən gəlir.