“Twitter”də Threads qadağası!

İyulun 6-da “Twitter”ə rəqib olaraq gələn Threads bir həftə ərzində 100 milyondan çox istifadəçiyə çataraq əhəmiyyətli uğur əldə edib. Ona görə də hər iki platforma arasında rəqabət günü-gündən artır. “Twitter”in “Threads”a yeni məhdudiyyət qoyduğu ortaya çıxdı. Belə ki, sosial şəbəkə axtarış nəticələrində bloklanır.

“Twitter”də Threads qadağası

“Twitter”də ''url:threads.net'' üçün heç bir nəticə yoxdur. Bilməyənlər üçün deyək ki, bu axtarışdan sonra “Threads”də olan və “Twitter”də paylaşılan linklər göstərilməli idi. İlon Mask və Twitter hələlik mövzu ilə bağlı açıqlama verməyib. Ancaq yeni platforma Elon Musk tərəfindən sərt şəkildə tənqid edilib. İş o yerə çatıb ki, Musk Metanı hüquqi tədbirlər görəcəyi ilə hədələyib. Ona görə də yeni addımın qəsdən atılması ehtimalı yüksəkdir.

Bildiyiniz kimi, Elon Musk tərəfindən satın alınan Twitter istifadəçi təcrübəsinə mənfi təsir göstərən məhdudiyyətlərə görə son zamanlar sərt tənqidlərə məruz qalıb. Bu kontekstdə iOS və Android üçün mövcud olan Threads çıxdığı gündən maraqla qarşılanıb. Uğurlu davam etsə də “Threads”in hələki “Twitter”i əvəz etməsi çətin görünür. Ancaq sərt rəqabətə səbəb olacağı şübhəsizdir.