İlon Mask ABŞ şirkətlərinin marixuana kimi narkotik maddələrini platformada reklam etməsi üçün “Twitter”in siyasətini dəyişdi. Sözügedən tənzimləmə “Twitter”in reklam siyasəti səhifəsində yer alıb. “Twitter”in ödənişli reklam məhsulları ilə bağlı siyasəti ABŞ və Kanadada müəyyən məhdudiyyətlərlə hədəflənmiş reklama icazə verəcək. Təbii ki, bunlar üçün lisenziya və ilkin icazə kimi şərtlər tələb ediləcək.

Ciddi nəzarət tətbiq olunacaq

Sözügedən reklamlar 18 yaşından kiçik uşaq və gəncləri həvəsləndirəcək şəkildə hazırlanmamalıdır. Həmçinin sağlamlıqla bağlı iddialar irəli sürə və ya marixuanın istifadəsinə dair hər hansı təsvir göstərilə bilməz. Həmin reklamlar cazibə, həzz, həyəcan kimi hissləri oyatmalı deyil. Prosesin necə davam edəcəyini verilən reklamlardan izləyib, görəcəyik.