Twitter "YouTube"a çevrilir: Yeni funksiya gəlir!

Bu ayın əvvəlində Twitter üçün baxış sayını göstərmək funksiyasını aktivləşdirəcəyini deyən İlon Mask vədini yerinə yetirdi. İOS və Android istifadəçiləri üçün aktivləşdirilən bu funksiya tezliklə internet brauzerlərində də istifadəyə veriləcək. Yenilik sayəsində siz paylaşdığınız tvitə neçə nəfərin baxdığını öyrənə biləcəksiniz. Eyni şəkildə, başqalarının paylaşımlarına da neçə nəfərin baxdığını biləcəksiniz. Funksiya hər tvitə aid olmayacaq. Köhnə tvitlər, cəmiyyətlər və Twitter Circle haqqında olan tvitlər bundan məhrum olacaq. Tvitinizə baxan insanların postunuzu harada gördüyü və ya profilinizi izləmələri vacib deyil. Çünki öz tvitinizə baxsanız belə, bu sistemdə baxış sayı kimi qeyd olunur.

Bunun yenilik olduğunu deyə bilmərik, çünki profil sahibi “Twitter”in təklif etdiyi analitik xidməti sayəsində paylaşdığı mesaja neçə nəfərin baxdığını onsuzda görə bilirdi. Yeganə fərq ondadır ki, bu məlumatlar indi hər kəsə görünür.Funksiya hələ hər ölkədə aktiv deyil. Baxış görüntülənmənin tədricən hər bir istifadəçi üçün uyğun olacağı təxmin edilir.