İlon Mask “Twitter”də dəyişikliklər etməyə davam edir. Mask son verdiyi açıqlamada direkt mesajların artıq şifrələnəcəyini bildirdi. Bundan əlavə, Twitter tezliklə istifadəçilərə audio və video zənglər etməyə imkan verəcək.

Musk: "Başıma silah dayasalar belə, sizin DM-lərinizi görə bilməyəcəm"

Maskın açıqlamasına görə, istifadəçilər həmçinin reaksiya olaraq istənilən emojini seçə biləcəklər. Ən əsası, DM-lər şifrələnəcək. Hətta Twitter özü belə şifrəli mesajlara daxil ola bilməyəcək. Hətta Mask belə girə bilməyəcək, bu, məxfilik üçün çox yaxşıdır. Xatırlayırsınızsa, əvvəllər üçüncü tərəf proqram tərtibatçıları bəzi istifadəçilərin şəxsi mesajlarına çıxış əldə etmişdilər və Twitter bu açığı qəbul edirdi.

Mask həmçinin bildirib ki, Twitter yeni səsli və video zəng funksiyası üzərində işləyir. İstifadəçilər telefon nömrəsini təqdim etmədən platformada hər kəslə danışa biləcəklər. Twitter hazırda istifadəçilərə Spaces ilə canlı audio söhbətlər etməyə imkan verir, lakin bu söhbətlər açıq və qrup çatlarıdır.

Bu arada, aprel ayında yalnız Twitter istifadəçilərinin təyin etdikləri insanlarla söhbətlər hamı üçün açıq idi. Twitter bu səhvi etiraf edib və e-poçt vasitəsilə istifadəçilərə xətanın düzəldildiyi barədə məlumat verib.