Toxunma ekranlı AirPods tezliklə çıxa bilər!

Tam simsiz qulaqlıq bazarına girdikdən sonra fərqli yeniliklər təqdim edərək bu bazarda rəqabət qabiliyyətini qoruyan Apple yeni texnologiya üzərində işləyir. AirPods qutusunda toxunma ekranı ola bilər.

AirPods qulaqlıqlarına toxunma ekranı

Apple tərəfindən patentləşdirilmiş yeni texnologiya AirPods Pro qutusuna toxunma ekranı əlavə edə bilər. Bu ekranda Apple Music, Apple TV+, Apple Maps kimi bir çox proqramlarla əlaqə qurmaq mümkün olacaq. Əslində, məlumat displeyləri Çinin tam simsiz qulaqlıqlarında var, lakin deyə bilərik ki, Apple öz xüsusi çipi, yaddaşı ilə elə bil Apple Watch-u qutuya inteqrasiya edəcək. Bu halda, AirPods Pro-nun qutusu düzbucaqlı və daha böyük olacaq. Yeni texnologiya ilə istifadəçilər telefonlarına toxunmadan qutunun üzərindən istədikləri proqramı seçə və ya dəyişdirə biləcəklər. Nəticədə telefonun batareyasının ömrü də çox olacaq. “Apple”ın bu texnologiyadan nə vaxt istifadə edəcəyinə aid dəqiq məlumat yoxdur, lakin müasir şəraitdə bu dizaynı inteqrasiya etmək asandır.