Federal Rabitə Komissiyasının (FCC) komissarı Brendan Karrın sözlərinə görə, ABŞ hökuməti milli təhlükəsizliyə təhlükə yaradan “TikTok”u qadağan etməlidir. Bununla belə, TikTok təslim olmur və ABŞ-dakı Xarici İnvestisiya Komitəsi (CFIUS) ilə razılaşmağa çalışır.

“TikTok milli təhlükəsizliyi təhdid edir”

Federal Rabitə Komissiyasının (FCC) komissarı kimi fəaliyyət göstərən hüquqşünas Brendan Karrın sözlərinə görə, TikTok "sadəcə video proqram" deyil, Pekinin kommunist diktaturası ilə birbaşa əlaqəli böyük miqdarda şəxsi və həssas məlumatları toplayan mürəkkəb nəzarət vasitəsidir.

Bir neçə ay əvvəl Karr Google və “Apple”dan “TikTok”u proqram mağazalarından silməyi xahiş etdi. “TikTok”un ana şirkəti ByteDance hazırda Çin hökumət rəsmilərinin ABŞ vətəndaşları haqqında TikTok məlumatlarına çıxışı ilə bağlı narahatlıqları aradan qaldıracaq bir təklif üçün CFIUS ilə danışıqlar aparır. TikTok isə Vaşinqtonla qənaətbəxş razılaşmanın əldə olunacağına əmindir. Şirkət bildirib ki, komissar Karrın ABŞ hökuməti ilə TikTok arasında gizli danışıqlarda heç bir rolu və ya birbaşa məlumatı yoxdur və bu danışıqların nə demək olduğunu müzakirə etmək iqtidarında deyil.