Flaqman bazarına daxil olduqdan təxminən üç il sonra, Xiaomi, nəhayət, son "flaqman qatili"ni təqdim etməyə hazırdır. Xiaomi 13 Pro bir çoxlarının gözlədiyi telefondur. Çünki o, yeni Qualcomm Snapdragon 8 Gen 2 çipi ilə təchiz olunacaq. Hansı ki keçən il Android telefonlarını narahat edən bir çox problemi həll etmişdi.

Xiaomi 13 Pro həmçinin ən son Android 13 əsaslı yeni MIUI 14 interfeysini təqdim edir. Bu, Xiaomi üçün böyük buraxılışdır və bir sıra yeni xüsusiyyətlər, təkmilləşdirmələr ilə gəlməsi gözlənilir. Sürət üçün yaxşı optimallaşdırılmış interfeysdir və çox rəvan işləyir. Eyni zamanda o, super sürətli 100 Vt simli doldurma dəstəyi və içərisində böyük batareya kimi tipik xüsusiyyətlərə malikdir.

Beləliklə, bu yeni telefon nəhayət “Xiaomi”ni  ən yüksək sıralara apara bilərmi? Gəlin öyrənək.

Xiaomi 13 Pro ilə bağlı yeniliklər:

Snapdragon 8 Gen 2 çipi

Daha sürətli LPDDR5 RAM və UFS 4.0 yaddaşı

1 düymlük Sony IMX989 əsas kamera sensoru ilə üçlü kamera sistemi

Ən son E6 Samsung OLED panelli 6,7 düymlük ekran

4,820 mAh batareya

120W simli və 50W simsiz sürətli doldurma

Yeni MIUI 14 interfeysi

Ekran

Xiaomi 13 Pro-nun böyük, 6,73 düymlük ekranı təkmilləşdirilmiş rənglərə və daha yüksək parlaqlığa malik ən son nəsil Samsung E6 OLED panelidir. Telefonun çox zərif görünüşü var. Bunun səbəbi ekranın ətrafında olduqca incə çərçivələrin olmasıdır, çərçivələr Galaxy və ya iPhone-dan nəzərəçarpacaq dərəcədə kiçikdir. Ekran LTPO 4.0 texnologiyası ilə gəlir və hamar sürüşmə üçün 120Hz dinamik yeniləmə sürətini dəstəkləyir.

Kamera

Üçlü kamera sistemi telefonun arxasındakı düzbucaqlıda yerləşir. Bunlar həqiqətən güclü kameralardır:

1 düymlük Sony IMX 989 Əsas kamera, 23 mm f/1.9

75 mm 3,2X böyütmə, 4 düym (10 sm) ilə yaxından fokus, OIS

14 mm f/2.2 ultra geniş

Nəhəng Sony IMX 989 1 düymlük sensor Galaxy Ultra və ya iPhone-dan daha böyükdür və bu smartfonun mühüm üstünlüyüdür.

Batareya

Çoxlarından bir qədər kiçikdir, lakin doldurmaq üçün daha sürətlidir.

Xiaomi 13 Pro 4,820 mAh batareya ilə təchiz edilir. Bu, adi 5,000 mAh Android flaqmanınızdan bir qədər kiçikdir, lakin adekvat ölçü kimi görünür. Telefonla daha çox işləyəndə tam gün enerjiyə zəmanət verir. Daha az istifadə bunu bir qədər uzada bilər.

Xülasə

Xiaomi 13 Pro 2023-cü ilin ən maraqlı və təsiredici flaqman telefonlarından biri olacaq. Xiaomi, şübhəsiz ki, bazarda ən qabaqcıl kamera sensoruna malikdir və o, ondan istifadə etməkdən qorxmur, o, telefoto kameranı təkmilləşdirib, Galaxy Ultra və iPhone Pro seriyası ilə çəkilən fotoları məğlub etməyə hazır görünür.

Xiaomi bunu normal qiymətə satışa çıxarsa, Apple, Google və Samsunga layiqli alternativ olacaq.