Bildiyinizin fərqindəyik, lakin yeni izləyicilərimiz üçün məlumat verək ki, "TelSat" MMC Azərbaycanda ən böyük və ən müasir mobil elan həlləri təqdim edən şirkətdir. Biz istifadəçi rahatlığını hər şeydən üstün tuturuq.Biz platformamızı sadəliyi nəzərə alaraq dizayn etdik. Elə buna görə istifadəçimizi yormayan və elanlarını rahat idarə edə bilməsi üçün bir çox funksiyalara malik mobil elanlar saytını (TelSat.az) ərsəyə gətirdik. 2 ildir fəaliyyət göstərdiyimizə baxmayaraq saytımızın istifadəçiləri günü-gündən artır. İstifadəçilərimizin bir addım öndə olmasını təmin etmək üçün biz daim yeni texnologiyalar və tendensiyaları araşdırırıq.

Məhz inkişafımızın nəticəsi olaraq Kiçik və Orta Biznesin İnkişafı Agentliyi (KOBİA) tərəfindən "TelSat" MMC-nin mobil telefonların satışı üzrə onlayn platformasına “Startap” şəhadətnaməsinə layiq görüldük.

“Startap” şəhadətnaməsi gəlir və ya mənfəət əldə etmək məqsədilə istehsal olunan, innovativ təşəbbüsə əsaslanan, rəqabətqabiliyyətli, eləcə də digər startap məhsulu (xidməti) ilə eynilik təşkil etməyən məhsul (xidmət) istehsalı üçün təqdim edilir.

KOB (Kiçik və Orta Biznes) subyektləri şəhadətnaməni aldıqları tarixdən etibarən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.

"TelSat " MMC olaraq olaraq biz də öz növbəmizdə göstərdiyi köməyə görə Kiçik və Orta Biznesin İnkişafı Agentliyinə (KOBİA) dərin təşəkkürümüzü bildiririk.

Əziz istifadəçilərimiz, sizlərlə birlikdə daha neçə uğurlara imza atmağı diləyirik. Nə yaxşı ki, varsınız !