iPod-un atası kimi tanınan Toni Fadell Stiv Cobsun fikirlərini ortaya qoyan maraqlı faktı paylaşıb.  Onun sözlərinə görə, Jobs ilk iPhone-da SİM kart üçün  yerin olmasını istəmirdi. Apple dizayn komandasının ən nüfuzlu üzvlərindən biri hesab edilən Fadell əslində iPod-un atası adlandırılır. Bu yaxınlarda Kaliforniyadakı Kompüter Tarixi Muzeyində jurnalist Coanna Sternə müsahibə verən Fadell Stiv Cobsun vizyonundan danışıb.

Ümumiyətlə, Apple-ın qurucusu Stiv Jobs tez-tez qeyri-adi ideyaları ilə yadda qalıb. Tony Fadell-in sözlərinə görə, Stiv Cobs ilk iPhone-un hazırlanması zamanı cihazda SİM kart yuvasının olması ideyasına qarşı idi. Hətta onun bu istəyini mühəndis və konstruktorlara “Daha bir dəlik istəmirik” cümləsi ilə çatdırdığı bildirilir. Beləliklə, iPhone-lar SİM kart olmadan şəbəkəyə necə qoşulacaq? Jobs nümunə kimi, SİM kartlardan istifadə etməyən Verizon operatorunu göstərib. Çünki bu operatordan istifadə edən telefonlar baza stansiyalarına GSM əvəzinə CDMA mobil texnologiyası ilə qoşula bilir.

Fadell qeyd edir ki, o, Cobsu CDMA texnologiyasının geniş yayılmadığına şəxsən inandırıb.  Çünki Stivin inandığı fikirlərdən əl çəkməsinə nail olmaq çox çətin idi.  Onu inandırmaq üçün konkret faktlar və mümkünsə, bütün komandanın köməyi lazım idi.