Sony oyun bazarındakı payını artırır!

Playstation ilə yanaşı mobil və PC platformalarında da fəaliyyətini davam etdirən Sony oyun bazarı üçün planları olduğunu açıqladı. Şirkət mobil istehsalın sayını artırmağı hədəfləyir.

Oyun sənayesinin nəhənglərindən biri olan Sony investorlar üçün təşkil etdiyi tədbirdə şirkətin gələcək planları ilə bağlı yeni məlumatlar paylaşıb. Xüsusi Playstation məhsullarını PC və mobil cihazlara gətirərək böyük satış rəqəmləri əldə edən şirkət bu rəqəmi artırmağı planlaşdırır. 2025-ci ilə qədər mövcud oyunların yarısının PC və ya mobil cihazlarda olması lazım olduğunu bildirən Sony Interactive Entertainment-ın CEO-su Jim Ryan, PC, mobil xidmətlərin varlığının artırılmasının oyun bazarını “darlıqdan” çıxaracağını və “hər yerdə ola bilər” vəziyyətinə gətirəcəyini bildirib.

Şirkətin açıqlamalarına görə, Sony oyunlarının yalnız 10 faizini təşkil edən mobil istehsalların qarşıdakı üç ildə iki dəfə artacağı və 20 faiz paya sahib olacağı gözlənilir. Bununla belə, bu sistemə keçid Apple Arcade-in sabiq kontent rəhbəri Nikola Sebastianinin rəhbərlik etdiyi biznes bölməsi vasitəsilə həyata keçiriləcək.

 Sony Interactive Entertainment xüsusilə PlayStation 4 haqqında heç nə deməyib, lakin rəsmi slaydlara görə, təqdimatlar 2025-ci ilə qədər dayandırılacaq. Bu da təəccüblü deyil. Çünki PlayStation 5 az müddətdir ki, çıxıb. Geriyə nəzər salsaq, Sony PS4-ün rəsmi satışa çıxarılmasından iki il sonra səssizcə kənara atdığı PS3 ilə də eyni şeyi etmişdi.