Yeni araşdırmada son 10 ilin ən çox satılan smartfon markaları sıralanıb. Samsung və Apple arasındakı fərq təəccüblüdür.
AltIndex tədqiqat şirkəti 2014-2024-cü illər arasında dünya üzrə smartfon satışlarına dair yeni hesabat dərc edib. Hesabat göstərir ki, Samsung-un vəziyyəti o qədər də yaxşı deyil, amma yenə də bazar liderliyini qoruyub saxlaya bilir.
Cənubi Koreya nəhəngi on il ərzində təxminən üç milyard telefon satıb. Bu rəqəm Apple-dan 33%, Xiaomi, Huawei və Vivo-dan isə 33% çoxdur. Eyni zamanda, Samsung-un satışları davamlı olaraq azalır. Şirkət 2014-cü ildə 292,3 milyon cihaz tədarük etdiyi halda, 2022-ci ilin sonuna qədər illik tədarüklər 18% azalaraq 258 milyona düşüb.
İkinci yeri 2,203 milyardla “Apple” tutub. 2014-2015-ci illər arasında iPhone satışları 20 faiz artaraq 231 milyon ədədə çatıb. Daha sonra demək olar ki, dörd il azaldı, lakin 2019-cu ildən etibarən yenidən böyüməyə başladı və 2023-cü ildə 231,8 milyon ədədlə bütün zamanların ən yüksək səviyyəsinə çatdı.
Nəticədə, son on ildə Samsung-un payı 10% azalıb, Apple-ın tədarükləri isə 2% artıb. Cənubi Koreya şirkətinin tənəzzülü Çin brendlərindən, ilk növbədə Xiaomi, Vivo və Oppo-dan çoxlu büdcəli smartfonların buraxılması ilə izah olunur.
Hazırda qlobal bazarın 20,8 faizi “Samsung”, 17,3 faizi “Apple” və 14,1 faizi “Xiaomi”nin payına düşür. Maraqlıdır ki, Çin şirkəti üçün bu göstərici 10 il əvvəlkindən üç dəfə yüksəkdir və sürətlə Apple-a yaxınlaşır.
