Gələn il bir çox telefonu gücləndirəcəyi gözlənilən Snapdragon 8 Gen 2 və MediaTek Dimensity 9200 ikilisi test edilib. İkisi arasındakı rəqabətin qalibi müəyyənləşib. Bu nəticə təzə smartfon almaq istəyən alıcıları maraqlandıracaq məsələdir. Hansı prossesorun daha güclü olduğunu bilərək smartfon seçimlərini ona uyğun edəcəklər. MediaTek Dimensity 9200 Vivo X90, Oppo Find X6 Dimensity Edition və Asus Zenfone 10 cəbhəsini gücləndirəcək. Vivo X90 Pro+, Xiaomi 13 seriyası, iQOO 11 ailəsi və OnePlus 11 Snapdragon 8 Gen 2 prosessoru ilə təchiz ediləcək. Moto X40 smartfonu ilə AnTuTu testinə girən “Snapdragon 8 Gen 2”nin bu testdən 1 milyon 312 min 901 xal aldığı öyrənilib. Onun rəqibi Dimensity 9200 isə 1.266.102 xal toplaya bilib. Onların arasında 46.799 xal fərq var.

“Dimensity 9200”ni keçməyi bacaran bu prosessor 4 nm istehsal prosesi ilə istehsal edilib. O, 3,2 GHz-də işləyən 1 Cortex-X3 əsas nüvəsinə, 2,8 GHz-də çalışan 2 Kryo Cortex-A715 performans nüvəsinə, 2,8 GHz-də işləyən 2 Kryo Cortex-A510 performans nüvəsinə və 2,0 GHz-də işləyən Kryo səmərəliliyinə malikdir.