Smartfonların qiymətinin kəskin düşəcəyi gözlənilir

TF International analitiki Ming-Chi Kuo bildirir ki, mobil telefonlara tələbatın zəif olması səbəbindən məhsullar anbarlarda qalıb və bu, əsl problemə çevrilib. Bu da şirkətlərin səhmlərinin qiymətinə mənfi təsir göstərəcək. Yaranan vəziyyət istehsalçıları “qiymət müharibəsi” elan etməyə məcbur edəcək və müştərilərin marağını çəkmək üçün bazarda smartfon qiymətlərinin aşağı düşməsinə səbəb olacaq. İstifadəçilər üçün bu o deməkdir ki, onlar smartfonları daha sərfəli qiymətlərlə ala biləcəklər.

Kuonun sözlərinə görə stoklarda yığılma problemi qarşıdakı 6-9 ayda daha çox gözə çarpacaq. Eyni vəziyyət yeni model sifarişlərində azalmanın qeydə alındığı iPhone üçün də keçərli olacaq.

Mümkün endirimlərin ölkəmizdə satılan smartfon modellərinə də təsir edib-etməyəcəyini dəqiq deyə bilmərik. Amma dünyada belə vəziyyət varsa, yəqin ki bizə də təsirsiz ötüşməyəcək.