Texnologiya nəhəngi Samsung statistikaya görə, cəmi iki telefonla dünyada ən çox satılan 10 telefon siyahısına daxil ola bildi. Qalan səkkiz telefonun hamısı “Apple”a məxsus olsa da, şirkət aşağı qiymətli Galaxy A cihazları sayəsində ən çox satılan smartfonların ilk 10 siyahısına daxil olan yeganə Android OEM şirkəti olmağı bacardı.

Samsung və Google hər keçən gün Z nəsli müştərilərini itirirlər

Yüksək səviyyəli telefonlar baxımından Samsung Android smartfonlar seqmentində lider olsa da, Apple xüsusilə qərb bazarlarında bütün digər brendləri geridə qoyur. Bu yaxınlarda aparılan bir araşdırma göstərir ki, Z nəsli “iPhone”nu Android telefonlarından üstün tutur. “ABŞ”da iPhone istifadəçilərinin 37%-i  Z nəsli olduğu halda, Samsung istifadəçilərinin yalnız 10%-dir. Başqa sözlə, Apple davamlı olaraq iPhone istifadəçi bazasını artırarkən, Android xüsusilə qərb bazarlarında yuxarı seqment cihazlarındakı yerini itirir. Qərb bazarlarında daha çox yüksək səviyyəli telefonlar satmaq axtarışında olan “Samsung”un ən böyük düşməni onun texniki göstəriciləri və ya “Apple”ın rəqabətli məhsulları deyil, Android əməliyyat sisteminin özü ola bilər. Çünki Z nəslinin istifadəçiləri ilə olan müsahibələrə görə onlar “Samsung”u sevmədikləri qədər “Android”i də sevmirlər. Bunun səbəbləri arasında "Apple"nin iMessage və ya AirDrop kimi eksklüziv olaraq təqdim etdiyi funksiyaları ola bilər.

Z nəslinin marağını itirən təkcə Samsung deyil. Z nəslinin 40%-i Google axtarış sistemi əvəzinə sosial şəbəkələrdən istifadə edərək axtarış aparmağa üstünlük verir. Nəticədə, “Google”un nüfuzu “Android”ə kömək etmir və hətta “Samsung”un qərb bazarlarında yüksək qiymətli smartfon biznesinə mənfi təsir göstərir.