Bu gün Galaxy Z Fold 5 və Z Flip 5 modelləri ilə bağlı hazırlıqlarını davam etdirən Samsung bu il sürpriz bir modellə gündəmə gələ bilər. Koreya nəhəngi 2021-ci ildə üç dəfə qatlana bilən smartfonun patenti üçün müraciət etmişdi. İndi gələn yeni xəbərlər bu modelin gözləniləndən daha yaxın olduğunu göstərir.

Samsung Tri-Fold 2023-cü ildə debüt edə bilər

Məlumata görə, Samsung 2023-cü il üçün yeni "üç dəfə qatlanan" cihaz üzərində işləyir. Xatırlasaq, Koreya nəhəngi geridə qoyduğumuz CES 2023 Sərgisində üç dəfə qatlana bilən Tri-Fold konseptini təqdim etmişdi. Lakin bu dizaynın məhsula çevrilib-çevrilməyəcəyi bəlli deyildi. Paylaşılan məlumata görə, Samsung Tri-Fold, CES-də nümayiş etdirilən konseptə bənzər dizaynla çıxacaq. Bundan əlavə, cihazın təfərrüatları hələ də bəlli olmasa da, başlıq altında Galaxy S23 seriyasını gücləndirən Galaxy platforması üçün Snapdragon 8 Gen 2 ilə qarşılaşa bilərik.

Samsung bununla bağlı heç bir açıqlama verməyib. Təsdiqlənərsə, Tri-Fold modelinin qatlana bilən bazara yeni nəfəs verəcəyini söyləyə bilərik.