Yadınızdadırsa, Samsung yanvarın əvvəlində Galaxy Book 2 Go ARM notbukunu təqdim etdi. Cənubi Koreya texnologiya nəhəngi indi də cihazın 5G versiyasını elan etdi. Yeni qurğu orijinal modeldən ikili SİM dəstəyi ilə fərqlənir. Onlardan biri eSIM, digəri isə adi fiziki SIM-dir. Notbukun digər xüsusiyyətləri dəyişməz qaldı.

Qiymət etiketi də açıqlanıb

Galaxy Book 2 Go 5G Qualcomm Snapdragon 7c+ Gen 3 prosessoru ilə təchiz edilib. “Microsoft Windows 11” əməliyyat sistemindən istifadə edən cihaz 180 dərəcə açıla bilən Full HD təsvir ölçülü 14 düymlük IPS ekrana malikdir. Bluetooth 5.2 və Wi-Fi 6E simsiz qoşulma seçimləri mövcuddur. Notbukda 21 saata qədər batareya ömrü təqdim edən 42,3 Wh batareya var. Hərbi standartlarda (MIL-STD-810G) zərbəyə davamlılıq təklif edən Galaxy Book 2 Go 5G-nin qiymət etiketləri konfiqurasiyaya görə aşağıdakı kimi dəyişir:

4/128 GB: 1400 manat (805 dollar)

8/256 GB: 1600 manat (930 dollar)