Samsung qatlana bilən Galaxy Z Flip 4 smartfonu üçün çəkdiyi yeni reklam çarxında yenə “iPhone”nu lağa qoydu. Animasiya çarxında it stəkana söykənərək iPhone ilə selfi çəkməyə çalışsa da, onu yerə atır. Bu zaman ekranda Galaxy Z Flip 4 və reper Ludacris peyda olur, “Google”un səsli köməkçisindən musiqi çalmağı və sonra qatlanan smartfonla selfi çəkməsini istəyir.

Galaxy Z Flip 4 ilə ştativsiz selfi çəkə bilərsiniz

Belə ki, reklam çarxında Samsung Galaxy Z Flip 4-ün 90 dərəcə açıq istifadəsinə imkan verən “Flex Mode”u və Google Assistant sayəsində tripoddan (ştativ) istifadə etmədən selfi çəkə biləcəyinizi göstərir. 

Samsung həmçinin fərqli smartfon markası ilə qatlana bilən smartfonların bu üstünlüyünü göstərə bilərdi. Lakin onlar məhz "Apple"ı seçdi. İki şirkət arasında “şirin rəqabətin” olduğunu nəzərə alsaq, “Apple”ın reklam obyekti olması tamamilə məntiqli görünür.