Samsung-un yeni premium seriyası W25 təqdim olundu

Texnologiya nəhəngi Samsung, Çində yeni premium W25 və W25 Flip seriyasını bazara çıxardı. Mükəmməl dizaynları ilə seçilən bu cihazların xüsusiyyətlərinə nəzər salaq:

Samsung hər il lüks dizayn elementləri, xüsusi funksiyalar və yüksək RAM və yaddaş təchizatı ilə Çin bazarına qlobal Z seriyası modellərinə əsaslanan W seriyası qatlanan cihazlarını təqdim edir. Nəhayət gözlənilən W25 və W25 Flip modelləri Samsung-un rəsmi vebsaytında ön sifarişə çıxarıldı.

Samsung W25 və W25 Flip Xüsusiyyətləri

Hər iki W25 modelinin qara keramika arxa paneli və qızılı rəngdə alüminium çərçivəsi var. Üzərində "Heart to the World" loqosu yerləşdirilib, bu da seriyanın xüsusi mövqeyini vurğulayır. Snapdragon 8 Elite (For Galaxy) prosessoru ilə təchiz edilən bu cihazlar, 3nm istehsal texnologiyası sayəsində əvvəlki modellərdən 45% daha yüksək performans və 44% daha yaxşı enerji səmərəliliyi təmin edir.

Kompakt model olan W25 Flip istifadəçilərə 6.7 düymlük əsas ekran və 3.4 düymlük qapaq ekranı ilə praktik bir təcrübə təqdim edir. 50MP əsas kamera və 2x optik zum xüsusiyyəti ilə gələn cihaz "Cloud Fan Elegance" divar kağızları və inkişaf etmiş süni intellekt funksiyaları ilə fərdiləşdirilə bilər.

Samsung W25 daha böyük ekran istəyənlər üçün ideal seçimdir. 8 düymlük əsas ekran və 6.5 düymlük xarici ekranasahib olan bu cihaz açıq vəziyyətdə cəmi 4.9 mm qalınlığa malikdir. 200MP əsas kamera ilə təchiz edilən cihaz, inkişaf etmiş çoxlu tapşırıq xüsusiyyətləri ilə iş dünyasının ehtiyaclarına cavab verir.