Samsung smartfonlarına ChatGPT kimi süni intellekt əlavə edə bilər

Süni intellekt və ChatGPT kimi çatbotlar həyatımızda daha böyük yer tutmağa başlayır. Bu modellər indi kiçik bir alət olmaqdansa, daha böyük sistemlərə əlavə olunur. Samsung da məhsullarına süni intellekt imkanları əlavə etməyə cəhd edə bilər. “Samsung Electronics Mobile World” şirkətinin prezidenti və baş icraçı direktoru TM Roh Malayziyada keçirilən mətbuat konfransında “Samsung”un yeni süni intellektə əsaslanan texnologiyaları inkişaf etdirmək üçün qlobal İT şirkətləri ilə tərəfdaşlıq etmək istəyinin olduğuna işarə edib. TM Roh nümunə kimi "ChatGPT"ni göstərir və deyir ki, "ChatGPT”nin bu formada inkişafı yeniliklərin olacağını göstərir. Dil modeli “Samsung”un gələcək inkişafı üçün yol açacaq."

Samsung smartfonlar, planşetlər və daşınan cihazlar da daxil olmaqla mobil cihazlarına daha təkmil AI xüsusiyyətləri əlavə etmək üçün qabaqcıl dil modellərindən istifadə edə bilər. Hesabatlarda deyilir ki, “Samsung”un AI R&D mərkəzi "gələcəkdə daha yaxşı süni intellekt texnologiyaları tapmaq üçün müxtəlif tərəfdaşlarla əməkdaşlığa açıqdır."

Digər tərəfdən, “Samsung”un unutduğumuz Bixby səs köməkçisi də var. 2017-ci ildən həyatımıza daxil olan və getdikcə həyatımızdan yoxa çıxan Bixby ChatGPT kimi bir dil modeli ilə dəstəkləndiyi təqdirdə son dərəcə uğurlu mobil köməkçi ola bilər. "Samsung"un ChatGPT kimi süni intellekti yalnız smartfonlar üçün nəzərdə tutduğunu düşünməyin. Çünki Cənubi Koreya texnologiya nəhənginin istehlak elektronikasının demək olar ki, hər bir sahəsində məhsulları var. Onlara da bunu tətbiq edə bilər.