Samsung Galaxy S23 seriyasının elanına az qaldığı vaxtda telefonlar haqqında yeni məlumatlar sızmağa başlayıb. Bu gün paylaşılan yeni məlumatlar cihazların kamerası və arxa dizaynını təsdiqləyib.

Dizayn xətləri eyni qalır

Galaxy S23 seriyasındakı bəzi modellərin şəkilləri paylaşıldı. Şəkillərə baxdıqda Galaxy S23, Galaxy S23 Plus və hətta Galaxy S23 “Ultra”nın arxa panel dizaynlarını aydın görə bilərik. Bununla belə, Galaxy S22 “Ultra"dakı kamera adasına vida edən yeni seriya yuvarlaq künc xətləri ilə istifadəçilərin qarşısına çıxacaq. Digər tərəfdən arxa dizaynı əvvəlki nəslə bənzəsə də, yeni telefonların kamera tərəfində böyük təkmilləşdirmə təqdim edəcəyini söyləyə bilərik. Əvvəlki məlumatlara görə, Galaxy S23 Ultra Samsung tərəfindən imzalanmış Qualcomm Snapdragon 8 Gen 2 və 200MP ISOCELL HP2 sensoru ilə təchiz ediləcək. Telefon həvəskarları üçün böyük həyəcan yaradan Galaxy S23 seriyasının 2023-cü ilin əvvəlində təqdim ediləcəyi gözlənilir.