Samsung Galaxy Z Fold 5 üçün S Pen planını dayandırıb

Qatlanan telefonlar tədricən standart smartfonları əvəz edir. Bu nöqtədə bazara liderlik edən Samsung tezliklə yeni nəsil qatlana bilən telefonları Galaxy Z Fold 5 və Flip 5 modellərini təqdim edəcək. Bu gün isə Galaxy Z Fold 5-in inteqrasiya olunmuş S-Pen dəstəyi ilə bağlı kədərli xəbər gəldi.  Belə ki, Samsung Galaxy Z Fold 5 üçün S Pen planları dayandırılıb.

Galaxy Z Fold 5-in dizaynı ilə bağlı son qərarın verildiyi bildirilir. Buna uyğun olaraq, Samsung daxili S-Pen yuvası əvəzinə daha incə dizayna yönələcək. Görünür, Cənubi Koreya nəhəngi inteqrasiya olunmuş S-Pen dok ilə telefonu qalın və ya ağır etmək istəmir. Çünki bir çox istifadəçi qatlanan telefonları qalın hesab edir.

Bundan əlavə, bir müddətdir ki, Samsung Galaxy Z Fold 5-in “su damlası” şəklində yeni menteşə quruluşuna keçəcəyi deyilirdi. Beləliklə, qatlana bilən telefon bağlandıqda aralarında boşluq qalmayacaq.

Həmçinin, "Samsung"un mütənasib qələm ölçüsü və yazı rahatlığı təklif edəcək incə S Pen dizaynı üzərində işlədiyi bildirilir. Buna görə inteqrasiya olunmuş S-Pen planlarının tam təxirə salındığını deyə bilmərik. Ancaq bütün bunlar üçün bir müddət gözləmək lazım olacaq.