Samsung Galaxy Z Flip 5-in qiyməti sızdı!

Cənubi Koreyanın texnologiya nəhəngi Samsung iyulun sonunda keçirəcəyi tədbirdə yeni qatlanan telefonlarını təqdim edəcək. Satışa bir neçə gün qalmış Galaxy Z Flip 5-in qiyməti məlum oldu. Belə görünür ki, qiymətdə ciddi sıçrayış olacaq.

Galaxy Z Flip 5-in 8 GB RAM və 128 GB yaddaşa malik əsas variantı 1299 avro qiymətinə satışa çıxarılacaq. Müqayisə üçün xatırladaq ki, “Galaxy Z Flip 4” 1099 avroya satışa çıxarılmışdı. İnternetdə əks olunan məlumatlar qiymətdə təxminən 20% artım olacağını göstərir. Samsung Galaxy Z Flip 5 də qiymət artımı ilə bəzi təkmilləşdirmələr təqdim edəcək. Cihazda 3,4 düym kimi daha böyük örtük ekranı görəcəyik. Əvvəlki model 1,9 düymlük xarici displeyə malik idi.

Cənubi Koreya nəhənginin təkmilləşdirmələrindən biri də prosessorla bağlı olacaq. Keçən il debüt edən Galaxy Z Flip 4 Snapdragon 8+ Gen 1 çipsetini təqdim etdi. Yeni model Snapdragon 8 Gen 2 ilə təchiz ediləcək. Kamerada da bəzi təkmilləşdirmələr var.