Samsung Galaxy Z Flip 5 nəhəng örtük ekranı ilə gəlir!

Etibarlı mənbələrdən biri olan Ice Universe sosial şəbəkədə Galaxy Z Flip 5-in yüksək keyfiyyətli render şəkillərini yayımladı. Beləliklə, cihazın hansı dizaynda olacağı məlum oldu.

Paylaşılan şəkillər təsdiqləyir ki, Samsung Galaxy Z Flip 5 belə demək mümkünsə, "böyük" qapaq ekranına sahib olacaq. Görünən budur ki, smartfon oxşar modellərdən daha böyük xarici displeylə gələcək. Daha əvvəl də bildirilmişdi ki, Samsung Galaxy Z Flip 5-də örtük ekranı Oppo Find N2 Flip-in ekranından daha böyük olacaq. Cənubi Koreya nəhənginin yeni qatlana bilən telefonunu avqust ayında keçiriləcək Galaxy Unpacked tədbirində təqdim edəcəyi gözlənilir.