Samsung Galaxy Unpacked 2023-ün tarixi sızdırıldı!

Dünyanın etibarlı qaynaqlardan birinə çevrilən Ice Universe bu dəfə “Samsung”un növbəti böyük tədbirinin tarixini açıqladı. Belə şayiələr var ki, Cənubi Koreyanın texnologiya nəhəngi Galaxy Unpacked 2023-cü il tədbirini fevralın 1-də keçirəcək. Təqdimatın əsas üzü yeni flaqman smartfonları olacaq. Söhbət Galaxy S23, Galaxy S23+ və Galaxy S23 Ultra modellərindən gedir. Daxil olan məlumatlara əsasən, smartfonlar dizayn baxımından əvvəlki modellərə bənzəyəcək.

Galaxy S23 seriyalı smartfonlar üçün Qualcomm Snapdragon 8 Gen 2 prosessoru, 45 Vt-a qədər sürətli enerji doldurma və 200 meqapikselə qədər kameraların olacağı bildirilir. Bu arada tədbirdə yeni flaqmanlara əlavə olaraq simsiz qulaqlıqlar və planşetlər kimi digər məhsullar da təqdim oluna bilər.