Samsung Galaxy S25 Ultra: Yeni dizaynı ilə ilk görüntülər ortaya çıxdı

Samsung-un yeni flaqman telefonu olan Galaxy S25 Ultra-nın dizaynını göstərən ilk şəkilləri yayımlandı. Yenilənmiş dizaynı ilə qarşınızda Galaxy S25 Ultra...

Samsung, çox gözlənilən Galaxy S25 seriyasını 2025-ci ildə təqdim etməyə hazırlaşır. Lakin bu müddət ərzində bir çox sızdırılmış məlumatlar yayılıb. Artıq Galaxy S25, S25+ və S25 Ultra-nın necə olacağına dair sualların çoxu cavabını tapıb. Qısa müddət əvvəl isə Galaxy S25 Ultra-ya aid yeni şəkillər ortaya çıxdı.

Samsung Galaxy S25 Ultra-a canlı baxıldı

Bu yeni görüntülər, əvvəlki hesabatların əksəriyyətini təsdiqləyir. Belə ki, Galaxy S25 Ultra bu dəfə ənənəvi kavisli ekran əvəzinə düz ekran dizaynına üstünlük verir. Həmçinin şəkillərdə telefonun alt hissəsi də yer alıb. Burada S-Pen yuvası, spiker, mikrofon və SIM kart yuvasını əhatə edən bir USB-C portu görünür.

Telefonun əvvəlki modellərdə olduğu kimi yüksək ekran-gövdə nisbəti mövcud olacaq. Çərçivədə isə daha yuvarlaq künclər istifadə edilib. Digər bir fotoda isə ekranda One UI 7.0 interfeysinin doldurulması barədə bildiriş görünür ki, bu da cihazın məhz Galaxy S25 Ultra olduğunu təsdiqləyir.

Galaxy S25 Ultra texniki göstəricilər

Əvvəlki hesabatlara görə Galaxy S25 Ultra:

• Snapdragon 8 Elite prosessoru,
• Yeni kavisli arxa dizayn,
• 200MP əsas kamera və üç 50MP ultra-geniş, telefoto və super telefoto kameralar,
• Android 15 əsaslı One UI 7.0 interfeysi ilə gələcək.
• Telefonun 162.8 x 77.6 x 8.2 mm ölçülərində olacağı gözlənilir ki, bu da Galaxy S24 Ultra-dan 0.4 mm daha incədir.

Galaxy S25 seriyasının təqdimat tarixi

Galaxy S24 seriyası 2024-cü ilin yanvar ayında təqdim olunub. Buna əsasən, Galaxy S25 seriyasının da 2025-ci ilin yanvar ayında təqdim edilməsi gözlənilir. Hal-hazırda qiymətlə bağlı heç bir rəsmi məlumat yoxdur.