Samsung Galaxy S25 Slim təsdiqlənmiş ola bilər

2025-ci ildə çıxacaq iPhone 17 Slim haqqında iddiaların ardından, Samsung-un da oxşar bir model üzərində işlədiyi üzə çıxıb. Söhbət mövzusu olan "Galaxy S25 Slim" sertifikat siyahılarında görünüb.

Samsung yaxın həftələrdə çox gözlənilən Galaxy S25 modellərini təqdim etməyə hazırlaşır. Ancaq bu il Galaxy S25 ailəsinə daha incə bir modelin əlavə ediləcəyi haqqında məlumatlar yayılıb. İndi iPhone 17 Slim iddialarına cavab olacaq bu model "SM-S937U" model nömrəsi ilə sertifikat siyahılarında görünməyə başlayıb.

Samsung Galaxy S25 Slim təsdiqlənmiş ola bilər

Bilməyənlər üçün, Samsung FE, SE və Slim daxil olmaqla model çeşidini yeniləməyə davam edir. Bir müddətdir sızmalarla gündəmdə olan Galaxy S25 Slim GSMA IMEI verilənlər bazasında qeyd olunmağa başlayıb. SM-S937U model nömrəsi ilə görünən cihazın "U" əlavə hissəsi ABŞ-da təqdim ediləcəyini göstərir və Galaxy S seriyasının model nömrə qaydalarına uyğundur.

Galaxy S25 Slim ilə bağlı detallara hələ ki, məhdud məlumat var, ancaq Slim etiketi cihazın mövcud Galaxy flaqman modellərindən daha incə olacağını və bəzi xüsusiyyətlərin çıxarıla biləcəyini göstərir. Bununla yanaşı, Samsung bu mövzuda daha ehtiyatlı yanaşaraq istifadəçi rəylərini dəyərləndirməyi məqsəd qoyur və 'kompakt flaqman' rəqabəti daha da qızışa bilər.

Bildiyiniz kimi, yanvar ayında Galaxy S25 seriyası standart, Plus və Ultra modelləri ilə qarşımıza çıxacaq, Slim və ya Special Edition kimi adlandırılacaq yeni modelin isə ilin ikinci rübündə təqdim olunması ehtimal edilir.

Galaxy S25, S25 və S25 Ultra nə vaxt təqdim olunacaq?

Samsung, Galaxy S24 seriyasını yanvar 2024-də təqdim etdi. Bu səbəblə Galaxy S25 seriyasının yanvar 2025-də təqdim olunacağını gözləyə bilərik. Hal-hazırda S25 seriyasının qiymətləri ilə bağlı məlumat yoxdur.