Samsung Galaxy S23 ilə birlikdə yeni adapter buraxa bilər!

Samsung Galaxy S23 ilə birlikdə yeni adapter buraxa bilər!

Biz 2023-cü ilin fevral ayında Samsung-un yeni Galaxy S23 seriyasını elan edəcəyini gözləyirik. Samsung yeni S seriyası ilə birlikdə yeni simsiz adapterini də ortaya çıxara bilər. Hazırda şirkətin "Wireless Charger Hub" üzərində işlədiyi barədə məlumatlar yayılıb. “Hub”, yəni qovşaq sözünə görə başa düşülür ki, adapter eyni vaxtda bir neçə cihazı doldura biləcək. Bundan əlavə belə şayiələr var ki, Samsung digər EP-P9500 model yeni adapter üzərində də işləyir. Hələki hər iki cihaz haqqında geniş məlumat yoxdur. Ola bilər ki, iki yox, bir cihaz hazırlanır. Əgər Samsung həqiqətən belə bir cihaz üzərində işləyirsə, bu, texnoloji nəhəngin 2020-ci ildə Galaxy Note 20, Z Fold 2, Galaxy Watch 3 və Galaxy Buds Live ilə birlikdə buraxdığı "Wireless Charger Trio" kimi bir şey ola bilər.

"Wireless Charger Trio" maksimum 25W giriş və 9W çıxış gücünə malikdir. Bununla belə, bu cihaz sələfindən daha çox çıxış gücünə malik ola bilər. Buraxıldıqda "Wireless Charger Trio"nun qiyməti 99 dollar idi, buna görə də "Wireless Charger Hub"ın qiymətini hələ bilməsək də, onun 100 dollardan aşağı olacağını gözləməyin. Bununla belə, əminik ki, yaxın aylarda Samsung-un iddia edilən yeni adapterləri haqqında daha çox məlumat əldə edəcəyik. 

Şərhlər