Əksər iri texnologiya şirkətləri dizayn barədə tənbəlləşib və indi bu daha çox Samsung-a aiddir. Bir vaxtlar innovasiyalara imza atan Koreya texnologiya nəhəngi qatlana bilən Z seriyasından başqa digər smartfonlar üçün çox az şey edir. Galaxy S23-ü səbirsizliklə gözləyənləri xoşagəlməz sürpriz gözləyir. Son gələn məlumatlara görə, Samsung S23 üçün bir qədər zəif yeniləmə edəcək. Belə ki, çipdən başqa heç nə dəyişməyəcək. S23 Ultra-nın ekranında və əsas kamerasında bəzi əlavə dəyişikliklər ola bilər. Bəs bu kifayət edəcəkmi?
Ümumi fikir bundan ibarətdir ki, son bir neçə ildə smartfonlar bir az darıxdırıcı olub. Çətin ki, həm Android, həm də Apple-də inqilabi hansısa yenilik olsun. Apple-ın ən son iPhone 14 dəsti bunu sübut etdi. Etiraf etmək lazımdır ki, hər 4 smartfon əladır, lakin onlar bir-birinin eynisidir. Belə görünür ki, Samsung adi flaqman smartfonlarından imtina edib. Yəqin ki, şirkət qatlanan qurğuların tezliklə premium satılmasını gözləyir. Buna baxmayaraq, son rəqəmlər bunun tam əksini göstərir. Əgər Samsung premium smartfonlar seqmentində qalmaq istəyirsə, o, sadəcə bir neçə prosessoru dəyişdirməkdən daha yaxşısını etməlidir.
