Samsung Galaxy S23 seriyası rəsmi olaraq fevralın 1-də təqdim ediləcək. Lakin gecənin ulduzu olacaq Galaxy S23 Ultra təqdimatdan əvvəl satışa çıxarılıb.

Yeni 200MP əsas kamera sensoru, qiyməti, bütün texniki xüsusiyyətləri məlumdur. Samsung hətta səbirsiz istifadəçilər üçün hələ elan edilməmiş S23 seriyası üçün erkən rezervasiyalar da açdı. Hətta telefon təqdim edilməzdən əvvəl Mataqalpada KM CELL STORE adlı mağazada satışa çıxarılıb. “Facebook”da paylaşılan şəkildə dörd fərqli rəngdə S23 Ultra qutusu aydın görünür. Telefonun 12 GB RAM 512 GB yaddaşa malik modelinin satışa hazır olduğu bildirilir. Maraqlıdır ki, qiyməti haqqında məlumat paylaşılmayıb.

S23 Ultra dizayn baxımından sələfinə (S22 Ultra) çox oxşar olacaq. Gorilla Glass Victus 2 ilə qorunan 6,8 düymlük 2x Dynamic AMOLED ekran 1440p təsvir ölçüsünə, 500 ppi piksel sıxlığına malik olacaq. Telefonun 5000 mAh batareyası 45 Vt-ı dəstəkləyəcək. Bluetooth 5.3, WiFi 6E, NFC, UWB bağlantılarına sahib olacaq telefon One UI 5.1 ilə fərdiləşdirilmiş Android 13 əməliyyat sistemi ilə gələcək.