Samsung bu yaxınlarda Galaxy S23 seriyası altında Galaxy S23 Ultra, Galaxy S23+ və Galaxy S23 telefonlarını təqdim etdi. Təkmil proqram təminatı, artan kamera performansı ilə daha çox vurğulanan bu telefonlar ekranları ilə də çox uğurludur. Son iddiaya görə, Galaxy S23 Ultra-nın ekranı təkcə bazarda ən yaxşılardan biri deyil, həm də enerji sərfiyyatında möhtəşəmdir. Hətta son hesabatda S23 Ultra-nın ekranının iPhone 14 Pro Max-dan daha az enerji istehlak etdiyi bildirilir.

Samsung artıq telefon bazarında istehsalçıları AMOLED ekranlarla təchiz edir və Apple də onlardan biridir. Bununla belə görünür ki, Samsung öz AMOLED ekranını hazırlayarkən material seçimində fərqli bir yol tutub. Məlumatlara görə, S23 Ultra-da əvvəllər görmədiyimiz unikal OLED materialından istifadə edilib. Bildirilir ki, bu, sadə “M11” və “M12” material təsnifatı deyil. Təhlillərə əsasən, S23 Ultra-da RGB dalğa uzunluqlarının optimallaşdırılması ilə daha çox səmərəlilik əldə edilib.

iPhone 14 Pro Max kimi M12 əsaslı panellərlə müqayisədə Galaxy S23 Ultra-nın ekranı eyni parlaqlıq səviyyəsində daha az enerji sərf edir. Bu arada onu da qeyd edək ki, S23 Ultra-nın ekranı hamısından daha böyükdür. Samsung ekran məsələsində səviyyəni daha da yüksəldib. Galaxy S23 Ultra-da əsas avadanlıq təkmilləşdirməsi olmasa da, bu kiçik təkmilləşdirmələr optimallaşdırılmış proqram təminatı ilə birləşdirildikdə daha yüksək səviyyəli istifadəçi təcrübəsi əldə edilir.