“Samsung”un Galaxy S23 seriyası Snapdragon 8 Gen 2 For Galaxy prosessoru ilə təchiz edilib. Bu Qualcomm tərəfindən Samsung smartfonları üçün hazırlanmış xüsusi çipdir və orijinal Snapdragon 8 Gen 2-dən xeyli sürətlidir. 

Golden Reviewer-in "Twitter"də paylaşdıqlarına görə, Galaxy S23 Ultra Geekbench 5-in təknüvəli prosessor testində 1600, çoxnüvəli prosessor testində isə 5311 xal toplaya bilib. Bu dəyərlər əvvəlki hər hansı Android smartfonunda gördüyümüz ballardan yüksəkdir. Snapdragon 8 Gen 2-nin üstünlüyündən faydalanan Galaxy S23 Ultra möhtəşəm soyutma performansı nümayiş etdirir. Əvvəlki xəbərlərimizdə qeyd etdiyimiz kimi Galaxy S23 seriyası istiliyi daha yaxşı ötürmək və yüksək performansı daha uzun müddət saxlamaq üçün əvvəlki nəsillə müqayisədə daha böyük buxar kamerasına malikdir, təqribən 2 dəfə böyükdür.

Bundan əlavə, xüsusi Snapdragon 8 Gen 2 çipsetində 3,2 GHz əvəzinə 3,36 GHz tezliyində işləyən overclock edilmiş əsas CPU nüvəsi və 680 MHz əvəzinə 719 MHz tezliyində işləyən Adreno 740 GPU var. Bunlarla birlikdə güclü smartfon yaratmamaq mümkün deyil.