Smartfon sənayesinin nəhənglərindən olan Samsung Galaxy S seriyasında böyük dizayn dəyişikliyi edə bilər. Son olaraq S22 modelini təqdim edən şirkət yeniliklər üzərində işləyir. Belə ki, yeni telefonlar tamamilə sensorlu ola bilər.
Telefonlar tam toxunma ekranlı olacaq
Yeni yayılan şayiələrə görə Cənubi Koreya texnologiya nəhəngi düymələrlə vidalaşmağı planlaşdırır. Buna görə 2025-ci ildə buraxılması gözlənilən Galaxy S25 seriyası heç bir düyməyə sahib olmayacaq və tam toxuna bilən dizaynla gələcək. Məlum olduğu kimi, 2016-cı ildə Apple istifadəçilərə daha çox yer təklif etmək üçün MacBook Pro-nun “Escape” (ESC) düyməsini Touch Bar-a köçürmüşdü. Lakinbu dəyişiklikdən sonra istifadəçilərdən mənfi reaksiya alan şirkət "Escape" düyməsini geri gətirməli oldu. Samsung-un səsi artırma, azaltma və güc düymələrini necə həll edəcəyi hələ məlum deyil. Çünki düymələr çıxarılsa, məcburi söndürmə və ya yenidən başlatma kimi seçimlər təklif edilməlidir. Bu haqda da hansısa ciddi mənbədən məlumat yoxdur.
