Samsung-un Galaxy Watch seriyası məşhur olsa da, ağıllı qolbaqlar sahəsində də məhsullar istehsal edir. Galaxy Fit2 2020-ci ilin sentyabrında Galaxy Tab A7 ilə birlikdə satışa çıxmışdı və o vaxtdan bəri yenisi yox idi. Bu, tezliklə dəyişəcək. Məlumat Samsung Community forumunun Koreya bölməsindən gəlir. Bir istifadəçinin Samsung Galaxy Fit3 nə vaxt çıxa bilər sualına cavab olaraq ya bu ilin ikinci yarısında, ya da (qrafikdə gecikmə olarsa) gələn ilin birinci yarısında çıxacağı bildirilib. Qolbaq təxminən ABŞ-da 60 dollar, Avropada isə 50 avro-ya başa gələcək.
Galaxy Fit3-də hansı yeni xüsusiyyətlərin ola biləcəyi barədə heç bir məlumat yoxdur. Fit2 daha böyük displey (0,9"-dan 1,1"ə qədər), bir qədər böyük batareya və çox yaxşılaşdırılmış səmərəlilik gətirdi ki, bu da orijinal Fit ilə müqayisədə batareyanın ömrünü iki dəfə artırdı (orta istifadə 14-15 günə qədər). Artıq 2 yaşı olan Fit2 vcersiyası SpO2 sensorları, quraşdırılmış GPS qəbulediciləri və s. funksiyaları ilə rəqiblərdən geri qalır. Təzə versiyanın gəlməsi haqqında məlumat o qədər də ciddi mənbədən gəlmədiyinə görə xəbər səhvdə ola bilər. Hər halda, qolbaq Galaxy Watch5-in təqdimatı ilə gəlmir (bu, 4-cü nəsil qatlana bilən cihazların təqdimatı ilə üst-üstə düşəcək). Ona görə də bizim edə biləcəyimiz yeganə şey hələki gözləməkdir.
