Samsung Galaxy F54 5G-nin qiyməti: 700 manat!

"Samsung"un SM-M546B/DS model nömrəsi ilə sadalanan yeni orta seqment cihazı Galaxy F54 5G-nin qiyməti və xüsusiyyətləri məsləhətçi Mukul Sharmanın Twitter yazısı sayəsində ortaya çıxdı.

Samsung Galaxy F54 5G-nin qiyməti və gözlənilən xüsusiyyətləri bunlardır:

Təxminən 700 manat  (400 dollar) qiymət etiketi ilə satışa çıxması gözlənilən "Samsung"un yeni cihazı Galaxy F54 5G-nin 8 GB RAM və 256 GB yaddaşla gəlir. Məsləhətçi həmçinin telefonun arxasındakı üçlü kamera quruluşunu göstərən video paylaşıb. Nightography, super sabit optik görüntü sabitləşməsi (OIS) kimi xüsusiyyətlərlə gələcək cihaz, 108MP əsas kamera, 8MP ultra geniş kamera və 2MP makro sensordan ibarət üçlü arxa kamera quruluşuna sahib olacaq.

120 Hz yeniləmə sürətinə malik 6,7 düymlük FHD + AMOLED ekran və Corning Gorilla Glass 5 ekran qoruyucu təbəqə ilə gəlməsi gözlənilən cihazın ön hissəsində 32 meqapiksellik selfi kamerası olacaq. Exynos 1380 prosessoru ilə təchiz ediləcək cihaz 25 Vt sürətli şarj dəstəyi ilə 6000 mAh batareyaya sahib olacaq.