Samsung bir müddət əvvəl çox gözlənilən Galaxy S23 seriyasını təqdim etdi. Koreyanın texnologiya nəhəngi orta səviyyə üçün də yeni məhsullar hazırlayır. Onlardan ən çox təfərrüatları sızdırılan Galaxy A34 5G və Galaxy A54 5G-nin qiymətləri ortaya çıxdı.

Avropa regionu üçün nəzərdə tutulan bu qiymətlər gözləniləndən bir qədər yüksək görünür, ona görə də bir az şübhələnməyə dəyər. Lakin iddialara görə, Samsung Galaxy A seriyasının kommersiya mövqeyini dəyişmək niyyətindədir. Samsung bu seriyanı bir az daha yüksəltməyi planlaşdıra bilər. Eyni zamanda şirkətin Galaxy A seriyasında daha az model təqdim edəcəyi ilə bağlı iddialar var.

Digər tərəfdən, Galaxy A34 5G 6GB/8GB RAM və 128GB/256GB yaddaş tutumu daxil olmaqla iki variantda təqdim olunacaq. Galaxy A54 5G üçün eyni yaddaş tutumunu saxlamaqla 8 GB RAM standartlaşdırılıb. İddia edilən qiymətlər aşağıdakılardır: 

Galaxy A34 5G (6GB+128GB): 782 manat (430 €)

Galaxy A34 5G (8GB+256GB): 900 manat (490 € )

Galaxy A54 5G (8GB+128GB): 1000 manat (550 €)

Galaxy A54 5G (8GB+256GB): 1100 manat (590 €)

Samsung hələ bu telefonları təqdim etməyib və ya rəsmi buraxılış tarixinə dair məlumat paylaşmayıb.