Samsung Galaxy A14 4G təqdim edildi

Samsung tərəfindən ilin əvvəlində rəsmiləşdirilən Galaxy A14 5G modelindən sonra 4G modeli də bazara çıxarılıb. Galaxy A14 5G iki prosessor versiyası ilə satışa çıxarıldığı üçün bu modelin ümumilikdə 3 versiyası olduğunu deyə bilərik. Samsung Galaxy A14 4G dizayn və aparat baxımından əsas modeldən çox da fərqlənmir. 6,6 düymlük IPS ekran 2408x1080 piksel təsvir ölçüsünü təklif edir. Yan tərəfdəki güc düyməsinə barmaq izi sensoru əlavə edilib.

Helio G80 olduğu təxmin edilən 2 GHz prosessorla təchiz edilmiş model 6 GB RAM və 128 GB yaddaşa malikdir. 50MP əsas sensorla yanaşı, 5MP ultra geniş və 2MP makro sensor var. Ön kamera 13 MP təsvir ölçülüdür. 5000 mAh batareyanın 15 Vt sürətli enerji doldurma ilə dəstəkləndiyi bildirilir. Orijinal modeli 200 dollar olan Samsung Galaxy A14 4G-nin qiyməti hələ açıqlanmayıb.