Samsung 2022-ci ilin smartfon bazarının lideridir!

2022-ci ildə smartfon bazarı əhəmiyyətli dərəcədə balacalaşdı. Bu daralmaya iqtisadi şəraitə görə azalan istehlakçı tələbi səbəb oldu. Mövcud şərtlər daxilində Samsung keçən ili smartfon bazarının lideri olaraq tamamladı. Omdia tədqiqat şirkətinin məlumatına görə, keçən ilin 4-cü rübündə qlobal smartfon bazarı 301,5 milyon ədəd məhsul təşkil edib. Bu rəqəm 2022-ci ilin üçüncü rübündəki kimidir, lakin illik bazda 15 faiz azalma var. Adətən ilin son rübündə smartfon tədarükündə sıçrayış olur, lakin bu dəfə kiçik (0,7%) azalma müşahidə olundu.

Gözlənildiyi kimi son rübdə satılan telefonların əksəriyyəti iPhone olub. Apple əvvəlki rüblə müqayisədə 41,6 faiz artaraq 74 milyon iPhone satıb, lakin illik müqayisədə 13,3 % azalıb. Samsung tərəfində də oxlar eyni istiqamətə işarə edir. Şirkət dördüncü rübdə 58 milyon telefon satıb ki, bu da rüblük bazda 8,8%, illik bazda isə 15,4 % azalma deməkdir.

Ümumilikdə, 2022-ci ildə 10% azalma ilə 1,2 milyard smartfon tədarük edilib. Keçən il ərzində Samsung 259 milyon telefon sataraq liderliyi ələ alsa da, 4,8 % azalma oldu. Apple isə 1,3% azalaraq ümumilikdə 231 milyon iPhone satıb. Xiaomi, Oppo və Vivo kimi Çin istehsalçıları isə yüzdə 27-yə çatan azalma ilə sənayedən ən çox təsirlənən şirkətlərdən oldular.