SOS: iPhone enerji yığanda yanında yatmayın!

Bir çox istifadəçi smartfonlarını doldurmağa qoyub, yatmağa üstünlük verir, lakin Apple bunu son dərəcə təhlükəli hesab edir. Şirkət xəbərdarlıq edir ki, iPhone sahibləri telefonu enerji ilə dolduranda cihazlarının yanında yatmasınlar.

Apple açıqlamasında enerjiyə qoşulmuş cihazın yanında yatmağın yanğın, elektrik cərəyanı, xəsarət, smartfonun və ya əmlakın zədələnməsi ilə nəticələnə biləcəyini bildirir. Şirkət telefonları həmişə yaxşı havalandırılan otaqda enerjiyə qoymağı tövsiyə edir.

Telefonunuzu yastığın altına qoymayın

Apple həmçinin bildirib ki, telefonu yorğan və ya yastıq altında doldurmaq risk yaradır, çünki bu, cihazın tez sıradan çıxmasına səbəb ola bilər: “Cihaz enerji adapterində və ya simsiz enerji doldurma cihazına qoşulu olanda yanında yatmayın. Onları yorğan və ya yastığın, bədəninizin altına qoymayın."

Şirkət həmçinin qeyd edib ki, bəzi ucuz aksessuarlar “Apple”ın təhlükəsizlik standartlarına uyğun gəlməyə bilər, buna görə də üçüncü tərəf enerjidoldurma cihazlarından istifadə edilməsi də yanğın riskini artıra bilər.