Rusiya casusuq etdiyinə görə "iPhone"u qadağan etdi!

Rusiya bir müddətdir ki, Apple ilə bağlı araşdırmalar aparırdı. İndi isə Rusiya hakimiyyəti hökumət işçilərinə rəsmi dövlət qurumlarında Apple cihazlarından istifadə etməyi qadağan edir. Rusiya Federal Təhlükəsizlik Xidməti (FSB) Apple məhsullarının təhlükəsiz olmadığını bildirir, dövlət işçiləri bundan sonra iPhone, iPad, Mac kimi məhsullardan istifadə edə bilməyəcəklər.

Rusiyadan Apple məhsullarına zərbə

Açıqlamalara görə, qadağa bu gündən etibarən başlayacaq. Digər qurumlar, o cümlədən Rusiyanın Telekommunikasiya və Rabitə Nazirliyi də analoji sərəncamı tezliklə həyata keçirməyi planlaşdırır. Yeni qadağa təkcə “iPhone”a deyil, “Apple” şirkətinin bütün məhsullarına da şamil edilir.

İyunun əvvəlində Rusiya Federal Təhlükəsizlik Xidməti apardığı casusluq əməliyyatı ilə Apple cihazlarının təhlükəsiz olmadığı iddia etdi. FSB minlərlə “iPhone”un izləmə proqramı ilə "yoluxdurulduğunu", ”Apple”ın ABŞ kəşfiyyat agentlikləri ilə sıx əməkdaşlıq etdiyini və "geniş nəzarət alətləri" təmin etdiyini iddia edir. Texnologiya nəhəngi bu iddiaları rədd edərək, " Apple heç bir hökumətlə işləməyib və işləməyəcək" söyləyib.