Redmi Watch 5 təqdim edildi: 2,07 düym ekran, nazik çərçivələr, 24 günlük batareya ömrü və daha çox

Xiaomi yeni Redmi Watch 5 ağıllı saatını təqdim etdi. Premium dizayn və inkişaf etmiş funksiyalarla sərfəli qiyməti bir araya gətirən bu ağıllı saatın xüsusiyyətlərinə nəzər salaq.

Redmi Watch 5 xüsusiyyətləri

Redmi Watch 5, 60 Hz yeniləmə sürətinə və 1500 nit parlaqlığa malik 2,07 düym kənarlardan əyri AMOLED ekranla təchiz olunub. 432x514 piksel ekran yüksək parlaqlığı ilə birbaşa günəş işığı altında belə mükəmməl görünür. Nazik 2 mm çərçivələr və 82% ekran-gövdə nisbəti ilə bu saat şık görünüşə sahibdir.

Ağıllı saat, alüminium ərintili gövdəsi və paslanmayan poladdan hazırlanmış düymə ilə möhkəmləndirilib. İstifadəçilərə 7 müxtəlif asan dəyişdirilə bilən qayış seçimi təklif olunur, o cümlədən Kona Dəri Maqnit Qayışı.

HyperOS 2 əməliyyat sistemi ilə işləyən saat 9 daxili proqram təqdim edir və əlavə proqram dəstəyi ilə genişlənir. NFC vasitəsilə ödənişlər, ağıllı ev idarəsi, stress izləmə və 150-dən çox idman rejimi kimi funksiyalar mövcuddur. GPS dəstəyi və 5ATM su keçirməzlik sayəsində su idman növlərinə də uyğundur.

Batareyası ilə seçilən Bluetooth versiyası 24 gün, eSIM versiyası isə normal istifadədə 12 gün xidmət göstərir. eSIM modeli müstəqil zəng və mesajlaşma imkanları təqdim edir.

Redmi Watch 5 qiyməti

Çində Bluetooth versiyası 82 dollar, eSIM versiyası isə 100 dollara satışa çıxarılıb. Kona Dəri Maqnit Qayışı isə 23 dollardır.